Thursday 28 de March de 2024

As festas de San Xoán celebraranse do 21 ao 26 de xuño e a Festa do Bosque será o 2 de xullo


Convocado o tradicional concurso para a elección do cartel, cun premio de 450 euros patrocinado un ano máis por Opticalia Enríquez

Xa temos comisión e xa temos datas para as festas de San Xoán!

Este ano as celebracións patronais de Carballo celebraranse do 21 ao 26 de xuño, e o domingo seguinte, 2 de xullo, será a Festa do Bosque. A comisión organizadora xa está traballando no programa, pero o primeiro é o primeiro, de xeito que vén de convocar o tradicional concurso para a elección do cartel que anunciará as festas, cun premio de 450 euros que está patrocinado, un ano máis, por Opticalia Enríquez. O prazo para presentar as propostas está aberto ata o 10 de abril. Podes descargar as bases máis abaixo.

A comisión de festas vén de reforzarse con novas incorporacións, e quedou constituída deste xeito:
• Presidente: Sergio Varela Fuentes
• Secretario: Gustavo Lorenzo Pena
• Vogais: José Antonio Deus Antelo, Mª Carmen Pacoret Rey, María Pereira Mariño, Alba Cerqueiro Vázquez, Antía Suárez Martínez, Asun Vázquez Bértoa, Roberto Rancaño Lagoa e Rodrigo Felípez Ferreiro.
• Representantes do Concello de Carballo: Maruxa Suárez, concelleira de Festas, e Carmen Castro, xefa do servizo de Cultura.